Plantun de Prouvènço

Pèr coumpara dos planto d'encò nostre

Salicornia procumbens & Lamium hybridum

Engano(-clino)

Salicornia procumbens

Amaranthaceae Chenopodiaceae

Àutri noum : Perso-pèiro, Salicor, Sausouiro, Sansouiro.

Nom en français : Salicorne couchée.

Descripcioun :
Es uno engano de l'an e noun renadivo au contro di gènre proche Arthrocnemum e Sarcocomia. Adounc fai pas de bouissoun e s'atrobo pulèu dins li relarg sala mai dubert. Lis estamino sorton un pau e li tres flour de cade tros soun quàsi de la meme taio, aquelo dóu mitan un pau mai grando pamens (fotò e dessin). De coumpara emé Salicornia europea.

Usanço :
Lis engano soun coumestiblo e se manjon en ensalado se soun pas trop duro, e peréu esboulentado, adoubado coume de baneto. Bèn li lava que pòu i'agué de parasite dangeirous (letouspiròsi dóu ragoundin e douvo dóu fege).

Port : Erbo
Taio : A
Fueio : ges
Tipe bioulougico : Teroufite
Cicle bioulougico : Planto de l'an

Gènre : Salicornia
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : 2 à 3 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : TER
Ref. sc. : Salicornia procumbens Sm., 1813

Ourtigo(-bastardo)

Lamium hybridum

Lamiaceae Labiaceae

Nom en français : Lamier découpé.

Descripcioun :
Aquelo ourtigo-bastardo dóu gènre Lamium, pulèu raro, trachis dins li pelouso un pau umido, lis ermas e li culturo. Sèmblo èstre entre l'ourtigo-roujo e lou mauvige, pamens un pau pu grando. Se recounèis à si fueio e bratèio descoupado e dentado.

Usanço :
Li fueio e li flour devon èstre manjadisso coume la maje part di Lamium. (F. Couplan, op.cit. p. 360). Pamens la fau pas acampa qu'èi marcado sus listo roujo, catégourìo LC, es à dire soucit minour.

Port : Erbo
Taio : 5 à 30 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Lamium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 1 à 2,2 cm
Flourido : Printèms Ivèr

Sòu : Si (Ca)
Autour basso e auto : 0 à 1200 m
Aparado : Noun
Febrié à jun

Liò : Tepiero - Ribo - Champ - Ermas
Estànci : Mesoumediterran à Mountagnard
Couroulougi : Euroupenco-Ouèst
Ref. sc. : Lamium hybridum Vill.,1786

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Salicornia procumbens & Lamium hybridum

ges

Coumpara Engano(-clino) emé uno autro planto

Coumpara Ourtigo(-bastardo) emé uno autro planto